Një takim i rëndësishëm po zhvillohet sot në zyrat e FC Barcelona në Camp Nou. E ardhmja e Ronald Koeman si trajner i ekipit të parë nuk është e garantuar dhe, për këtë arsye, zhvillohet një takim me Joan Laporta, Mateu Alemany, Rafa Yuste dhe një person shumë të afërt me Koeman (trajneri holandez nuk është i pranishëm).

I pari që arriti ishte Mateu Alemany. Drejtori i futbollit i ekipit të Barcelonës mund të shihej duke hyrë në zyrat e klubit herët në mëngjes. Alemany , një njeri i fortë në projektin sportiv të Joan Laportas, do të jetë një nga njerëzit që do të vendosë të ardhmen e Koeman në stolin e Barcelonës.

Pas tij, presidenti i klubit, Joan Laporta, u shfaq në Camp Nou dhe disa minuta më vonë mbërritën përfaqësuesit e Koeman. Të tre palët tashmë janë takuar në objektet e Blaugrana, së bashku me nënkryetarin e FC Barcelona, Rafa Yuste.

Në këtë takim, Laporta dëshiron të kuptojë ndjenjat e trajnerit holandez përpara se të marrë një vendim përfundimtar. Vazhdimësia e Koeman në stol nuk përjashtohet, megjithëse klubi i Barcelonës ka hulumtuar tregun për ditë me radhë në kërkim të një zëvendësuesi që i përshtatet asaj që duan për të ardhmen e klubit. /Gazeta Express/